أي حاجة بـ 5
تخيل تروح مول بيعرضلك كل الخدمات اللي انت محتاجها لشغلك وانت تقارن وتختار اللي يعجبك، تاخده وتحاسب وتمشي تخيلت؟
طب عارف ان كل ده أصلا موجود وبنفس البساطة دي؟
موقع Fiverr وموقع خمسات وفرولك البساطة دي..
بداية الفكرة كانت في 2010 لما قرر ميكا كوفمان وشاي وينيجر يعملوا منصة الناس تبيع وتشتري عليها الخدمات الرقمية زي أي منتج ملموس وسعر الخدمة موحد بقيمة 5 دولار بس أو مضاعفاتها، فعملوا منصة Fiverr
واتحولت المنصة لوسيط بين ـFreelancer بيعرضوا خدماتهم ومشترين محتاجين الخدمات دي وفي نفس السنة، المدون رؤوف شبايك قرر يعمل منصة للشباب العربي قايمة على نفس الفكرة، فكانت "خمسات"
المنصتين بيعرضوا كم كبير جدا من الخدمات في 9 مجالات مختلفة، ومنها تقدر تختار الخدمة والشخص اللي تتعامل معاه وتضمن فلوسك بطرق دفع مختلفة
فلو انت Freelancer بتدور على شغل، أو صاحب مشروع بتدور على Freelancer يقدملك الخدمة اللي محتاجها بشكل Professional وبسعر مناسب، يبقى المكان المناسب هو خمسات أو Fiverr
